Мал, амьтны үржлийн биологи

Мал сүргийг эдийн засгийн ашигтай эргэлтэд оруулах, ашиг шимийг нь нэмэгдүүлэх, нэг малаас авах бүтээгдэхүүний хэмжээ, чанарыг дээшлүүлэх нь өрх, аж ахуйн түвшнээс эхлээд улс орны эдийн засгийн тулгамдсан асуудлуудын нэг юм. Энэ асуудлыг шийдвэрлэхэд олон хүчин зүйл нөлөөлөх хэдий ч сүргийн нөхөн үйлдвэрлэлийг оновчтой зохион байгуулах, үүлдэр угсааг сайжруулах, үржлийн биотехнологийн дэвшилтэт аргуудыг нутагшуулах, нөхөн үржихүйн өвчин эмгэгээс сэргийлэх, эмчлэх зэрэг нь чухал байрыг эзэлнэ.